Қиммат ва узоқ муддатли ипотека кредитлари кўпаймоқда
Ўзбекистонликлар орасида 2025 йилда ипотека кредитини узоқроқ муддатга олиш тенденцияси кузатилди.
2024 йилда уй сотиб олиш учун банкдан қарз олганларнинг 74 фоизи 15-20 йилгача кредит олган бўлса, ўтган йили бу кўрсаткич 76,9 фоизгача ўсган.
300 млн сўмгача ипотека кредити олганлар улуши камайиб бормоқда. 300 млн сўмдан юқори кредит олувчилар эса тезроқ кўпаймоқда.
Бунга охирги йилларда уйлар нархи сезиларли ўсгани сабаб бўлди. Айниқса, марказий ҳудудларда нархлар ўсиши кўпроқ кузатилмоқда.